قصيدة للشاعر المبدع عبدالله باتل الرشيدي

السلام عليكم ورحمة الله وبركاته
هذي قصيده للشاعر عبدالله باتل بعنوان






بعض العـــــــرب
بعض العرب ما ينعطي وجـه بالحيـل
وليا عطيته وجـه صـار لـك علـة
وبعض العرب ماله سنع لكنـه حليـل
بالضبـط كانـك لا تمعـنـت ظـلـه
وبعض العرب شقرا و شقرا مع الخيل
ما ينفعـك لـولا الرمـوش المظلـه
و بعض العرب لا يعجبك ثرثـرة ليـل
و باكـر تـرى مـا قالـك شـي لله
وبعض العرب مرسال مادري مريسيل
يسايـر العالـم و هـو حاصـل لـه
وبعض العرب يصلخ و ينفخ و هو ريل
و في زعمه انه يفهـم الكـون كلـه
وبعض العرب ما غير بندق و دربيـل
و منين ما هـب الهـوا جايـز لـه
وبعض العرب يطلع كما طلعة سهيـل
و يغيـب نجمـه قبـل دربـه تدلـه
وبعض العرب يوذيك بالقـال والقيـل
تجلس معه ساعـة ولاخـرى تملـه
نذل و خسيس يفصل الهـرج تفصيـل
و ليـا لقـا لـه طـيـب يستغـلـه
وبعض العرب منظر و كشخة وتحليـل
شبح بحـال و حالـه اخـرى كرلـه
لا شفت زوله مـن خيـار الرجاجيـل
و ليـا عرفتـه مـا تجيـه بمحلـه
و بعض العرب ماضيه ليل على ليـل
كـذ بصمـوه وصــوروه الادلــه
وبعـض العـرب لا والله الا تهاويـل
مهمـا عقـدت الحبـل لازم يحـلـه
كـذ دربـوه و لكعـوه الرجاجـيـل
من قبل لا يصير الحـدث جاهـز لـه
وكانك شجاع صحيح حارب اسرائيـل
قبـل اليهـود القـدس لا تستحـلـه
وكلـش يهـون الا الثـلاث الغرابيـل